इलामको माइजोगमाई गाउँपालिका घर भइ अमेरिकामा बसोबास गरिरहेका गायक रोशन गुरुङको स्वरमा रहेको नयाँ गीतको भिडियो सार्वजनिक गरिएको छ ।
केही समयअघि छायांकन गरिएको ‘सही हो नि कान्छी’ बोलको गीतको भिडियो आज (आइतबार) अमेरिकाबाट युट्युबमार्फत् सार्वजनिक गरिएको हो । भिडियोमा इलामकै दृश्य समेटिएको छ । स्थानीय कलारकाकै अभिनय छ । इलामकै सन्दकपुर गाउँपालिका–५, जमुना घर भएका कुमार गुरुङको शब्द, इलामकै इन्द्र गुरुङको संगीत रहेको गीतको भिडियोमा बाबु जिम्बाले निर्देशन गरेका छन् ।
इलामको पर्यटकीय क्षेत्र कन्यामलगायत स्थानको दृश्य गीतमा देखाइएको छ । लामो समयपछि रोशनले आफ्नो गीतको भिडियो सार्वजनिक गरेका हुन् । कुमारको शब्द रहेको गीतमध्ये चाहिँ यो पहिलो भिडियो भएको उनले बताए । ‘वर्षदिनअघि नै गीत तयार भएपनि भिडियो अहिले सार्वजनिक गरिएको हो,’ कुमारले भने ।
