इलाम । मलामी बोकेको पिकअप दुर्घटना हुँदा १२ जना घाइते भएका छन् ।
बुधबार इलाम नगरपालिका १० जारेटार स्थित मेचि राजमार्गमा मलामी बोकेको मे १ ज ५९९९ नं. को पिकअप गाडी ट्रनिङ काट्ने क्रममा अनियन्त्रित भई सडकमा पल्टेको थियो । २५ जना सवार पिकअममा १२ जना घाइते भएको प्रहरीले जनाएको छ । घाइतेहरुलाई उपचारको लागि इलाम र झापामा पठाइएको प्रहरीले जनाएको छ ।
दुर्घटनामा घाइते हुनेहरुमा इलाम इलाम नगरपालिका वडा नं. १० गोदक वस्ने वर्ष ५० को अमृत रम्तेल, वर्ष ५३ को नारायाण पुलामी, सूर्योदय नगरपालिका १३ लक्ष्मीपुर बस्ने वर्ष ५५ की गंगादेवी थापा , इलाम नगरपालिका १० बस्ने वर्ष २६ की मनिता रम्तेल, वर्ष ३५ को विपिन कट्टेल, वर्ष ४० को मदन वास्कोटा, वर्ष ७० को धन कुमार रम्तेल, वर्ष ७३ को प्रभुनाथ पौडेल, सूर्योदय नगरपालिका १० बस्ने वर्ष ५१ को टल वहादुर सार्की, वर्ष ४६ की फुलमाया अछामी, वर्ष २९ का बीर वहादुर रम्तेल, इलाम नगरपालिका ५ बस्ने वर्ष २२ को कुल बहादुर बस्नेत र झापा अर्जुधारा नगरपालिका-४ बस्ने बर्ष ५९ को अमर बहादुर राई घाइते भएका छन् ।
