राष्ट्रिय परिचयपत्र वितरण शुरु

इलाममा आजदेखि राष्ट्रिय परिचय पत्र वितरण शुरु गरिएको छ । यसअघि जिल्ला प्रशासन कार्यालयबाट फोटो खिचाउने सेवाग्राहीलाई जिल्ला प्रशासन कार्यालय इलामले परिचयपत्र दिन थालेको हो । परिचयपत्र लिन व्यक्ति स्वयं उपस्थित हुनुपर्ने छ । ‘फिङ्गर प्रिन्ट’ रुजु गर्न र परिचयपत्रको पिन नम्बर पनि रहेकाले परिचयपत्र लिने व्यक्तिलाई आफैं उपस्थित हुनुपर्ने जनाइएको छ । कार्यालयमा एक हजार सात सय ७९ वटा परिचयपत्र आएको भएपनि शुरुमा पाँच सय थान वितरणको तयारी गरिएको प्रमुख जिल्ला अधिकारी श्रवणकुमार पोख्रेलले बताए ।