पीकअप दुर्घटनामा १७ जना घाइते, ५ लाई थप उपचारका लागि झापा पठाइयाे

इलाम।इलाम बजारको विजय जुलुसमा सहभागी भएर फर्किंदै गरेको पिकअप दुर्घटना हुँदा १७ जना घाइते भएका छन् ।

घाइतेमध्ये ५ जनालाई थप उपचारका लागि झापा पठाइएको छ ।

इलाम बजारबाट विजयसभाका सहभागीलाई लिएर गएको पिकअप इलाम नगरपालिका ५, बिब्ल्याँँटे बजारछेउ इक्सा होटल गोलाईमा दुर्घटना भएको हो ।

गाडी गोलाईमा पल्टिएको थियो । घाइतेहरूलाई उपचारका लागि इलाम अस्पताल ल्याइएको थियो । घाइते मध्ये केही उपचारपछि ३ र फर्केका छन् । इलाम क्षेत्र २ को उपनिर्वाचनमा विजयी बनेका सुहाङ नेम्बाङ इलाम अस्पताल पुगेर विरामीको अवस्था बुझ्नका साथै स्वास्थ्य लाभको कामना गरेका छन् । यसरीनै प्रतिनिधिसभाका सदस्य महेश बस्नेत पनि अवस्था बुझ्न अस्पताल पुगेका थिए ।

घाइतेको विवरण

१) जिल्ला इलाम इलाम न.पा ५ बस्ने वर्ष ३६ की तुलसा ढकाल, बाहिरी चोट नदेखिएको शरीरको भित्री भागमा दुखेको, अवस्था सामान्य

२) ऐ.ऐ. बस्ने वर्ष ६२ को रामचन्द्र खनाल निधारमा चोट, अवस्था सामान्य

३) ऐ.ऐ. बस्ने ४२ की राधिका खनाल शरीरको विभिन्न अंगमा चोट, अवस्था सामान्य

४) ऐ.ऐ. बस्ने वर्ष ६६ को नेखनाथ खनाल छातिमा चोट, अवस्था सामान्य

५) ऐ. ऐ. बस्ने वर्ष ३६ की दुर्गादेवीघिमिरे टाउको चोट अवस्था बोल्न सक्ने सामान्य

६) ऐ.ऐ. बस्ने वर्ष ३८ की दीक्षा आचार्य, देब्रे खुट्टामा चोट, अवस्था सामान्य

७) ऐ.ऐ. बस्ने वर्ष ४८ को कृष्ण घिमिरे देब्रे हातमा र खुट्टामा चोट, अवस्था सामान्य

८) ऐ.ऐ. बस्ने वर्ष ३५ की लीलादेवी चापागाईं देब्रे हातमा चोट, अवस्था मध्यम ऐ. थप उपचारका लागि ऐ. १८ः०० बजे बिर्तासिटी अस्पताल झापा रेफर

९) ऐ.ऐ. बस्ने वर्ष ६६ को नगप्रसाद तिवारी देब्रे हात र खुट्टामा चोट, अवस्था सामान्य

१०) ऐ.ऐ. बस्ने वर्ष ६८ को वासुदेव खनाल नाक र छातीमा भित्री चोट अवस्था गम्भीर, ऐ. थप उपचारका लागि ऐ. १८ः०० बजे बिर्तासिटी अस्पताल झापा रेफर

११) ऐ.ऐ.बस्ने वर्ष १५ की अन्जु बजगाईं, देब्रे खुट्टामा चोट, अवस्था सामान्य