सिंहदेवी मन्दिर संरक्षण समितिको साधारण सभा  सम्पन्न

इलाम । माइजोगमाई गाउँपालिकाकाे पञ्चकन्या सिंहदेवी मन्दिर संरक्षण समितिको पाँचौ साधारण सभा  सम्पन्न भएको छ ।  साधारण सभाले नवगठित समितिको अध्यक्षमा बिनु मगर, उपाध्यक्षमा शकुन्तला पौडेल, सचिवमा घनश्याम निरौला, सहसचिव तिर्थराज अधिकारी , कोषाध्यक्षमा प्रेमकुमारी पौडेल, गरी जम्मा १४ सदस्यीय नयाँ कार्यसमिति चयन भएको हो ।

      कार्यक्रममा माइजोगमाई गाउँपालिका अध्यक्ष जीतबहादुर राईको प्रमुख आथित्यतामा भएको कार्यक्रम मन्दिर संरक्षण समितिका अध्यक्ष सुवास कार्कीको अध्यक्षतामा सम्पन्न भएको हो । कार्यक्रममा माइजोगमाई गाउँपालिका वडा नं १ मा रहेका सूर्योदय नगरपालिकाका समाजसेवीह स्थानीय समाजसेवी वुद्दिजीवि मन्दिरको संरक्षक पूर्णकुमारी निरौला, संचारकर्मी लगायतको बाक्लो उपस्थितिमा सम्पन्न कार्यक्रममा स्वागत मन्तब्य चन्द्रकला काफ्लेले राखेका थिए भने कार्यक्रमको संचालन घनश्याम निरौलाले गरेका थिए।