इलामका दुईजना अग्रज पत्रकारहरु सम्मानित भएका छन् । इलामको पत्रकारितामा लामो समदेखि क्रियाशिल रहेका अग्रज पत्रकारहरु सोमनाथ सुसेली र सटेन्द्र जवेगु सम्मानित भएका हुन् ।
सहकारी दिवसको अवसर पारेर दलबहादुर बस्नेत स्मृति पत्रकारिता पुरस्कारबाट जनही नगद १० हजार रुपैंयाँले पुरस्कृत गर्नुका साथै दोसल्ला ओढाएर सम्मान गरीएको हो ।
जुनतारा सामाजिक बिकास केन्द्र इलामले उनीहरुलाई सम्मान गरेको हो ।
सम्मानित सुसेली नेपाल पत्रकार महासंघ प्रदेश नम्बर १ को उपाध्यक्ष, रेडियो नेपालबाणी एफएमका स्टेशन म्यानेजर तथा इलाम एक्सप्रेस दैनिकका प्रधान सम्पादक छन् । त्यस्तै अर्का सम्मानित पत्रकार जवेगु नेपाल पत्रकार महासंघका केन्द्रिय सदस्य तथा इलाम पोष्ट दैनिकका सम्पादक छन् ।
उनीहरुलाई दुवैजना नेपाल पत्रकार महासंघ इलाम शाखाको निवर्तमान सभापति थिए ।
इलामको पत्रकारीता क्षेत्रको विकास, पछिल्लो पुस्ताका पत्रकारका लागि सम्मानित दुबैजना अग्रहजहरु इलामको पत्रकारिताको गहना नै हुन् । केन्द्रले यो पुरस्कारबाट यसअघि पत्रकारहरु गणेश घिमिरे, ख्याम भुजेल र सविता पाण्डेलाई पुरस्कृत गरिसकेको छ ।
