नेपाल कम्युनिस्ट पार्टी (नेकपा)को देउमाई नगरपालिकास्तरीय युवा भेला आज सम्पन्न भएको छ । राष्ट्रिय युवा संघ नेपाल देउमाई नगर कमिटीद्वारा आयोजित विस्तारित युवा भेला कार्यक्रमको अध्यक्षता नगर कमिटी अध्यक्ष विष्णु सापकोटा र जिल्ला समन्वय समिति इलामका प्रमुख गणेश बरालको प्रमुख आतिथ्यतामा सम्पन्न भएको हो ।
कार्यक्रममा देउमाई नगर प्रमुख तथा नेकपा एमाले जिल्ला सचिवालय सदस्य सूर्यप्रसाद पोख्रेल, नेकपा एमाले सचिवालय सदस्यहरू भीम खनाल, सदन राई , छवि श्रेष्ठ,राष्ट्रिय युवा संघ नेपाल केन्द्रिय कमिटी सचिवालय सदस्य एवम् नेकपा एमाले जि क सदस्य अरूण वराल लगायतले बोल्नुभएको थियो ।
कार्यक्रममा पार्टीको भावी दिनका कार्यक्रम, कार्यदिशा र उत्पन्न विवाद समाधानका बारेमा छलफल गरिएको थियो । कार्यक्रमको उद्घोषण गोकुल राईले गरेका थिए ।
