इलाम । लोकसेवा आयोगको १५ दिने निःशुल्क तयारी कक्षा शनिबार सम्पन्न भएको छ । लिम्बू विद्यार्थी मञ्च इलामले आयोजना गरेको समापन सत्र कार्यक्रममा सहभागीहरुलाई प्रमाण पत्र प्रदान गरिएको थियो । यस्तै, कार्यक्रममा सहजकर्ता र विशिष्ठ व्यक्तिलाई सम्मानपत्र र खदाले सम्मान गरिएको थियो ।
मञ्चका जिल्ला अध्यक्ष अतित योङहाङको अध्यक्षतामा भएको कार्यक्रमको प्रमुख अतिथि नितेश सिंगक, विशेष अतिथि यामप्रसाद लिम्बूले कार्यक्रममा बोलेका थिए । कार्यक्रममा लोकसेवा उर्तीण गर्न गर्नुपर्ने तयारीका बारेमा जानकारी गराइएको थियो ।
