इलाम। इलाममा शुक्रबार थप १५ सङ्क्रमित भएका छन् । याेसँगै इलाममा सङ्क्रमित हुनेकाे सङ्ख्या एक सय १६ पुगेकाे छ । हालसम्म सबैभन्दा बढी प्रभावित इलाम नगरपालिका देखिएकाे हाे । हाल इलाम नगरपालिकामा ७२ सङ्क्रमित देखिएका छन् ।
जसमध्ये आज मात्रै ८ पुरुष र ५ महिला गरि १३ जना इलाम नगरपालिका भित्रका रहेका छन् ।
अहिले नगर क्षेत्र आवातजावत बन्द गरिएपनि सङ्क्रमित बढ्ने क्रम घटेकाे छैन । यस्तै रोङ गाउँपालिका र देउमाई नगरपालिकाका १/ १ जना महिलामा सङ्क्रमण देखिएको जिल्ला प्रशासन कार्यालय इलामले जनाएको छ ।
इलाम जिल्लामा अहिलेसम्म कुल संक्रमितको संख्या ११६ पुगेको छ भने कोरोना सङ्क्रमणको कारण ४ जनाको मृत्यु भइसकेको छ । हालसम्म माङ्सेबुङ र सन्दपुर गाउँपालिका सुरक्षित छन् ।
