इलाम।इलाममा तीन दिनदेखि यता दैनिक एक जनाको कोरोना भाइरसको संक्रमणका कारण मृत्यू भएको छ ।
आज(मंगलबार) इलाम नगरपालिका वडा नं. ७ चोक बजारका सुनचाँदी व्यवसायी रेशम बराइलीको मृत्यू भएको छ । विराटन नर्सिङ होममा उपचारपछि हिजो घर आएका बराइलीको आज इलाम अस्पतालमा मृत्यू भएको हो ।
यसरीनै सोमबार इलाम नगरपालिका वडा नं. ७ इलाम बजारकै ७३ वर्षीय मोहनलाल प्रधानकोे कोरोना भाइरसको संक्रमणबाट मृत्यू भएको थियो ।
इलाम अस्पतालमा उपचाररत रहेका उनको आज मृत्यू भएको हो । डेढ हप्ताअघिदेखि ज्वरो आएर घरमै रहेका उनलाई तीन दिनआघि इलाम अस्पताल पुर्याएर उपचार भइरहेको थियो ।
नेकपा एमालेका युवा नेता नवराज शंकरको आइतबार मृत्यू भएको थियो । उनको विराट नर्सिङ होम विराटनगरमा उपचार भइरहेको अवस्थामा निधन भएको हो ।
इलाममा कोरोना भाइरसको संक्रमणका कारण ज्यान गुमाउनेको संख्या १३ पुगेको छ ।
