१
आफ्नो जिन्दगी बन्दकी राखेर मलाई पढाएको हो ।
परदेशमा रगत र पसिना बेचेर मलाई पढाएको हो।
आमाको निस्वार्थ माया र बुबाको संघर्षलाई बुझिन।
त्यो घाम पानीमा भारी बोकेर मलाई पढाएको हो।
२
कठै! ऊ मरीसकेकी छे भनेर सुनाई दिनु है ।
हार्दिक श्रद्धाञ्जली भनी फूल चढाई दिनु है ।
मलामी पनि खोजेर आउँनु प्यारा तिमी।
मेरो लास चितामाथि राखेर जलाई दिनु है।
३
थाकी सकेछन मेरी आमाका परेली कुर्दा कुर्दै।
म परदेशीलाई सम्झेर बित्यो अधेरी कुर्दा कुर्दै।
आगो फुक्दै झ्यालबाट हेर्दै होलिन आमा।
छोरी आउने आसा मार्ने छन् मझेरी कुर्दा कुर्दै।
