इलाम । इलाममा पछिल्लो २४ घण्टामा ६० जनामा कोरोना भाइरसको संक्रमण पुष्टि भएको छ । अघिल्लो दिन १४ जनामा मात्र संक्रमण पुष्टि भएकामा मंगलबार बढेर ६० पुगेको हो । योसँगै इलाममा संक्रमितको संख्या १३ सय ५३ पुगेको छ ।
मंगलबार माङसेबुङ गाउँपालिकामा २४ जना, सूर्योदय नगरपालिकामा १६ जना, इलाम नगरपालिकामा ४ जना, देउमाई नगरपालिकामा ३ जना र रोङ गाउँपालिकामा ५ जना, चुलाचुली गाउँपालिकामा ८ जनामा संक्रमण पुष्टि भएको प्रशासनले जनाएको छ ।
इलाममा संक्रमणबाट मृत्यू हुनेको संख्या भने ३० पुगेको छ ।