छिमेकीको घरमा वत्ती बनाउने क्रममा मृत्यु

छिमेकीको घरमा विजुलीको तार बनाउने क्रममा इलाम– ७ फुलगाच्छीमा आज एक जनाको करेन्ट लागेर मृत्यु भएको छ । इनपा– ७ स्थित ५० वर्षीय वीरबहादुर लिम्बूको करेन्ट लागेर मृत्यु भएको हो ।

लिम्बू छिमेकी दिलबहादुर मगरको घर लगेको विद्युत तार बिग्रीए पछि विद्युत पोलमा तार बनाउने क्रममा करेन्ट लागेर भुईंमा ढलेका थिए । उनलाई उपचारका लागि इलाम अस्पताल ल्याउँदा अस्पतालले मृत घोषणा गरेको प्रहरी नायब उपरिक्षक लालध्वज सुवेदीले जानकारी दिएका छन् । अहिले घटनाको अनुसन्धान भइरहेको जनाइएको छ ।