इलाम । इलाम नगरपालिका वडा नं. ४ ले किसानहरुलाई टनेल, कागतीको विरुवा र विजन वितरण गरेको छ ।
वडाले बेमौसमी तरकारी खेती गर्नका लागि ५७ वटा टनेल, बेमौसमी तरकारीको विजन र ४५ सय कागतीको विरुवा वितरण गरेको हो । एक सय जना युवाहरुलाई तरकारीको विजन वितरण गरिएको वडाध्यक्ष नुतनदेव दुलालले जानकारी दिए ।
युवाहरुलाई कृषिमा आकर्षित गर्दै ग्रामीण क्षेत्रमा रोजगार सिर्जना गर्नका लागि युवाहरुलाई लक्षित गरेर टनेल र विउ विजन वितरण गरिएको पनि अध्यक्ष दुलालले बताए ।