भरुवा वन्दुकसहित तीन पक्राउ

तेह्रथुमको लालिगुँरास नगरपालिका–१ भुल्के स्थितबाट तीन थान भरुवा बन्दुक सहित तीन जनालाई प्रहरीले पक्राउ गरेको छ ।

     पक्राउ पर्नेमा सोही स्थानका ३५ बर्षीय मनोज गुरुङ, ३४ बर्षीय प्रेम गुरुङ र ३६ बर्षीय राम बहादुर गुरुङ रहेका छन् । प्रहरी चौकी लसुनेबाट खटिएको प्रहरी टोलीले उनीहरुलाई बन्दुक बोकेर हिडिरहेको अवस्थामा फेला पारेको थियो ।

     प्रहरीलाई देख्न साथ भाग्न खोजेका उनीहरुलाई नियन्त्रणमा लिएर ईलाका प्रहरी कार्यालय बसन्तपुरबाट थप अनुसन्धान भईरहेको प्रहरीले जनाएको छ ।