इलाम । इलाममा पुनः कोराना संक्रमण दर बढ्दै गएको छ । निषेधाज्ञा केही खुकुलो गरेसँगै संक्रमण दर पनि बढ्दै गएको हो ।
केही दिनअघि जिल्लामा संक्रमितको संख्या ७ जनासम्ममा झरेको थियो । अहिले बढ्दै गएर मंगलबार २२ जना पुगेको छ ।
आइतबार इलाम कारागारका ११ जना कैदी, साखेजुङ्गका २ जना सहित इलाम नगरपालिकामा १४ जना, माइ नगरपालिकामा ४ जना, रोङमा २ जना, माङसेबुङमा १ जना र माइजोगमाई गाउँपालिकामा १ जनामा संक्रमण पुष्टि भएको हो ।
संक्रमणका कारण जिल्लामा मृत्यू हुनेको संख्या भने ४४ पुगेको छ ।