इलाम। एकै गाउँमा एकै दिन १९ जनामा संक्रमण देखिएपछि संक्रमण नियन्त्रणका लागि वडा कार्यालयले वडा क्षेत्रभित्रको आवतजावतमा कडाई गरेको छ ।
इलाम नगरपालिका वडा नं. १ साखेजुङमा बुधबार १९ जनामा संक्रमण देखिएपछि वडा कार्यालयले वडा क्षेत्रलाई शील गरेको छ ।
संक्रमण नियन्त्रणभन्दा बाहिर गएकाले वडाबासीको सुरक्षाका लागि बुधबार राती १२ बजेदेखि लागु हुने गरे वडामा आवातजावत तथा बजार बन्द गराइएको हो इलाम नगरपालिकाका वडा नं. १ का वडाध्यक्ष अम्बिका गौतमले बताए ।
जिल्ला प्रशासन कार्यालय इलामले निषेधाज्ञालाई खुलुलो बनाएर पाँच बजेसम्म बजार खुल्ला गरेको छ । तर, वडाले भने संक्रमण बढ्दै गएकाले विहान १० बजेसम्मसम्म मात्र अतिवाश्यक र खाद्यान्न पसलहरु खोल्ने र आवश्यक पालिकाको सेवाहरु प्रदान गर्ने गरी वडामा भीडभाड नियन्त्रण गरिएको वडाध्यक्ष गौतमले बताए । ‘वडामा संक्रमण बढेकाले संक्रमण रोक्नका लागि वडाले वडाबासीको सुरक्षाका लागि आवतजावतमा कडाई गरिएको हो’ अध्यक्ष गौतमले भने, ‘एकै परिवार र चिया उद्योगमा काम गर्ने मजदुरहरुलाई पनि संक्रमण देखिएको छ ।’