काठमाडौँ । अन्ततः नेकपा एमालेमा एकताका लागि सहमति भएको छ । सहमितकाे मस्याैदा तयारी भइरहेकाे पनि बताइएकाे छ ।
शुक्रबार दिनभर बसेको कार्यदलको बैठकले दुई पक्षबीच एक भएर जाने सहमति भएको हो । कार्यदलको निरन्तर प्रयासपछि शुक्रबार सहमति भएको हो ।
कार्यदलको नेता प्रदीप ज्ञवालीले बैठक सहमतिमा टुंगिएको प्रतिक्रिया दिएका छन् ।
ज्ञवालीले सञ्चारकर्मीसँग भने, ‘आजको वैठक निकै लामो, सौहार्द र सघन भयो । झण्डै सात घन्टाको वैठकपछि पार्टीको एकतालाई सुदृढ गर्ने सम्वन्धमा सहमतिमा पुगेका छौं ।’
उनले सहमतिका बुँदा थाहा पाउन १८ घण्टा पर्खिन आग्रह गरेका छन् । उनका अनुसार भाषा परिमार्जनका लागि भोलि पनि कार्यदलको बैठक बस्ने भएको छ ।
