इलाम । आज साँझ करेन्ट लागेर अर्जुनधारा ६ मा एक जना निर्माण मजदुरको मृत्यु भएको छ ।
साँझ ५ः१५ बजे अर्जुनधारा ६ स्थित पूर्वेली टोलमा अमृतकुमार गुरुङको एकतले घरको छत ढलान गरी ढलानको भाईब्रेटर मेसिनको तार फुस्काउने क्रममा अचानक करेन्ट लागेर ३८ वर्षिय आयुष राईको मृत्यु भएको हो । इलाम सन्दकपुर २ घर भई हाल बिर्तामोड १ बस्ने राई करेन्ट लागेर घाईते भई उपचारको लागि बिएण्डसी अस्पताल बिर्तामोड पुर्याउनुअघि नै मृत्यु भएको प्रहरीले जनाएको छ ।
मृतकको शव अस्पतालमा रहेको र अनुसन्धानको लागि इप्रका बिर्तामोडबाट टोली खटिएको जिल्ला प्रहरी कार्यालयले जनाएको छ ।
