इलाम । इलाम नगरपालिका वडा नं. १ साखेजुङमा एक घर जलेर नष्ट भएको छ । नेपालटार बजारभन्दा दुई किमी पूवाखोला तर्फको डिपी डाँडामा रहेको घरमा आगलागी भएको हो ।
विद्युत सर्ट भई आगलागी हुँदा तेजबहादुर गुरुङको घर जलेर नष्ट भएको हो । आगलागी नियन्त्रण गर्नका लागि स्थानीयले प्रयास गरे पनि नियन्त्रण गर्न नसक्दा घर र घरका सामग्री जलेर नष्ट भएको स्थानीय पर्शु भण्डारीले बताए । आगलागीबाट के कति नोक्सानी भयो भन्ने कुरा प्रहरीले सर्जमिन गरिरहेको छ । घरको भान्साबाट नभई अन्यत्रैबाट आगलागी शुरु भएकाले विद्युत सर्ट भएर आगलागी भएको अनुमान गरिएको छ ।
