झापा दमक नगरपालिका ४ स्थित पूर्वपश्चिम राजमार्गमा ट्रकको ठक्करबाट मोटरसाइकलमा सवार दुई जनाको मृत्यु भएको छ ।
मृत्यु हुनेमा मोटरसाइकल चालक झापा कन्काई ३ का ४३ बर्षीय पूर्णबहादुर बिष्ट र पछाडी सवार निजकै श्रीमती ३६ बर्षीया भिमा बिष्ट रहेका छन् । हिजो राती सभा १० बजे पश्चिमतर्फ आउँदै गरेको ना ४ ख ८७३० नम्बरको ट्रकले विपरीत दिशाबाट आइरहेको प्रदेश २-०३-०१३ प ४७८७ नम्बरको मोटरसाइकललाई ठक्कर दिंदा गम्भिर घाइते भएका उनीहरुको उपचारको लागी दमक लाइफ लाइन अस्पतालमा पुर्याउन साथ दुवै जनाको मृत्यु भएको थियो ।
दुर्घटना गराई फरार भएको सो ट्रक र ट्रक चालक मोरङ विराटनगर ४ बस्ने ४८ बर्षीय सुजन थापालाई अस्थायी प्रहरी पोष्ट ताराबारीले नियन्त्रणमा लिएको थियो । नियन्त्रणमा लिएको ट्रक र चालकलाई इलाका प्रहरी कार्यालय दमकमा ल्याई थप अनुसन्धान भईरहेको छ ।
