सुनसरी । सुनसरी इनरुवा नगरपालिका- ४ पुर्व-पश्चिम राजमार्गमा पर्ने इनरुवा बसपार्कबाट कारमा सवार चार जनालाई लागूऔषध ब्राउन सुगर सहित प्रहरीले पक्राउ गरेकाे छ ।
पक्राउ पर्नेमा सप्तरी हनुमाननगर कंकालिनी-१४ का २० बर्षीय अमोद कुमार यादव, सप्तरी तिलाठी कोलारी-४ का २० बर्षीय ईनरकुमार मुखिया, सप्तरी रामपुर मलहनिया-१४ का २४ बर्षीय बिनोद कुमार कामत, सप्तरी तिलाठी कोलारी-४ का १९ बर्षीय रमेश मुखिया र कार चालक तिलाठी कोलारी-४ का २२ बर्षीय फुल कुमार मुखिया रहेका छन् ।
साेमबार बेलुका ८ बजे बिशेष सुचनाको आधारमा लागूऔषध नियन्त्रण व्यूरो विराटनगर र जिल्ला प्रहरी कार्यलाय सुनसरीबाट खटिएको प्रहरी टोलीले पश्चिमबाट आउदै गरेको बा १४ च ६१४५ नम्बरको कारलाई रोकी कारमा सवार ५ जनालाई चेकजाँच गर्दा अमोद कुमार यादवको साथबाट लागूऔषध ब्राउन सुगर १३० ग्राम फेला परेको हो । ब्राउन सुगर फेला परे पश्चात थप अनुसन्धानको लागी कार सहित पाचै जनालाई नियन्त्रणमा लिई जिल्ला प्रहरी कार्यालय सुनसरीबाट थप अनुसन्धान भइरहेको प्रहरीले जनाएकाे छ ।
