एजेन्सी । लियोनल मेसीले फ्रेन्च क्लब पेरिस सेन्ट जर्मेन ९पीएसजी०सँग दुई वर्षका लागि सम्झौता गरेका छन् । पीएसजीबाट उनले ३० नम्बरको जर्सी लगाएर खेल्ने छन् ।
३४ वर्षीय स्टार फुटबलर मेसीसँग सम्झौता एक वर्षका लागि थप गर्नसक्ने विकल्प पनि छ । यसअघि उनले बार्सिलोनाका लागि मात्र व्यवसायिक फुटबल खेलेका थिए। उनले त्यहाँबाट १७ वर्ष व्यवसायिक फुटबल खेले ।
बार्सामा १० नम्बरको जर्सी उनको पहिचान थियो। उनले झन्डै १२ वर्ष बार्साबाट उक्त नम्बरको जर्सी लगाएर खेले। तर, बार्साबाट सुरुवाती चरणमा भने ३० नम्बरकै जर्सी लगाएका थिए । सन् २००६ र ०७ को सिजनमा उनले १९ नम्बरको जर्सी लगाए ।
त्यति बेला रोनाल्डिन्होले बार्साका लागि १० नम्बरको जर्सी लगाउँथे । २००८–०९ को सिजनदेखि उनले १० नम्बरको जर्सीलाई आफ्नो ब्रान्ड बनाए ।
