बलात्कार प्रयास आराेपी इनपा-१० का युवा पक्राउ

इलाम । २५ वर्षीया एक महिलामाथि गएराती बलात्कार प्रयास गरेको आरोपमा इलाम नगरपालिका– १० का एक युवालाई प्रहरीले पक्राउ गरेको छ । पक्राउ पर्नेमा २९ वर्षीय पदमबहादुर तामाङ रहेका छन् ।

राती साढे एक बजेतिर पीडित महिलालाई बलात्कार गर्ने प्रयास गरेपछि उनलाई पक्राउ गरिएको इलामका प्रहरी नायब उपरिक्षक गंगा थापाले बताए । ‘पक्राउ गरिएको छ । जबरजस्तीकरणी उद्योग अन्तर्गत उनीमाथि अनुसन्धान सुरु गरिएको छ ।’ थापाले भने । पक्राउ परेका तामाङलाई इलाका प्रहरी कार्यालय पशुपतिनगरको हिरासतमा राखिएको जनाइएको छ ।