सालाेकाे हत्या गरेर फरार रहेका रत्नबहादुर १२ वर्षपछि पक्राउ

इलाम । आफ्नै सालोको हत्या गरि फरार रहेका देउमाइ–१ चमैताका ४६ वर्षीय रत्नबहादुर राईलाई प्रहरीले पक्राउ गरेको छ ।

राईले १९ वर्षीय सालो युवराज राईको ०६६ वैशाख १ गते हत्या गरेर फरार भएका थिए । फरार खोजीका क्रममा रत्नबहादुरलाई भदौ ४ गते भक्तपुरबाट पक्राउ गरिएको जिल्ला प्रहरी कार्यालय इलामले जनाएको छ ।

पक्राउ परेका राईलाई कर्तब्य ज्यान मुद्दामा म्याद थप गरि अनुसन्धान शुरु गरिएको बताइएको छ ।