इलाम । पछिल्लो २४ घण्टामा थप दुई हजार ४३३ जनामा कोरोना भाइरस संक्रमण पुष्टि भएको छ । नाैं हजार ७०२ जनाकाे पीसीआर परीक्षणमा दुई हजार ५२ जना र चार हजार ६७२ एन्टिजेन परीक्षणमा तीन सय ८१ जना गरी दुई हजार ४३३ जनामा संक्रमण पुष्टि भएको हो ।
पछिल्लो २४ घण्टामा एक हजार ९२९ जना संक्रमणमुक्त भएका छन् भने संक्रमणका कारण २६ जनाले ज्यान गुमाएका छन् ।
बिहीबार थपिएसँगै नेपालमा कोरोना संक्रमितको कुल संख्या ७ लाख ५४ हजार ९१५ पुगेको छ । योसँगै नेपाल मृत्यु हुनेको संख्या १० हजार ६३८ पुगेको छ भने ७ लाख ५ हजार ८९३ जना संक्रमणमुक्त भएका छन् ।
मन्त्रालयका अनुसार हाल देशभर सक्रिय संक्रमितको संख्या ३८ हजार ३८४ जना रहेका छन् । जसमध्ये ३५ हजार ३५४ जना होम आइसोलेसनमा रहेका छन् भने ३ हजार ३० जना संस्थागत आइसोलेसनमा रहेका छन् । कोरोनाका बिरामीमध्ये ६२० जना आईसीयू र १६५ जना भेन्टिलेटरमा उपचाररत् छन् ।
यस्तै १० वर्ष मुनिका ५४ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका १ सय ७७ जना कोरोना संक्रमित थपिएका छन् ।
इलाममा भने विहीबार एक जनाकाे मृत्यू हुनका साथै ४५ जना संक्रमित भएका छन् ।
