‘यो आकास बदलेर के भो
सागर उही, पानी उही
यो समय बदलेर के भो
मुटु उही, धड्कन उही
तिमी टाढै बस हिँउका चोइटा झै
पवित्र भई बाँच
जहाँ मेरा मैला भावनाले
छोई छिटो नपरोस् ..।’
लासिमीत राई कोरोना संक्रमणसँग जुध्दै थिइन् । त्यसअघि उनले एउटा गीत रेकर्ड गराउन भ्याइन्, आकाश बद्लिएर । यो गीत उनले मधुकर लोहनीसँग गाएकी थिइन् ।
गीत आरबिए फिल्म्सको युट्युब च्यानलबाट सार्वजनिक हुने तय भइसकेको थियो । सबैकुराको बन्दोबस्ती मिलाइसकिएको थियो । तर, उनलाई कोरोनाले अरु बढी च्याप्दै लग्यो । आखिर उनको निधन भयो ।
हालै मात्र आरबिए फिल्म्सले उक्त गीतको तयारी गरिरहँदाको छोटो वृत्तचित्रसार्वजनिक गरेको छ । यो गीतमा शब्द र संगीत लासिमीत राईको थियो । भिडियोमा उनले गीतको तयारी गरिरहँदाका क्षणहरुलाई प्रस्तुत गरिएको छ । वृत्तचित्र रुद्र गुरुङले निर्देशन गरेका हुन् ।
बृत्तचित्रमा उनले यो गीत कसरी तयार भयो भनी उल्लेख गरेकी छिन् । उनले भनेकी छिन्, ‘गीतमा नारी र पुरुषको सह–सम्बन्धलाई लिएर गीत तयार गरेकी हुँ । पुरुषलाई आकास, सागर र पानीसँग तुलना गरिएको छ । नारी अर्थात आमालाई चाहि समय, मुटुको धड्कन, धर्तीसँग तुलना गरेकी हुँ ।’
एउटाले अर्काको अस्तित्वलाई चिन्नुपर्छ, नारी र पुरुषको हार्दिक सम्बन्धबाट सह–अस्तित्व सुुरक्षित रहन्छ । जीवनमा दुई जनाबीच उतारचढाव आउँछ, मनमुटाव हुन्छ । तर, कहीँ कतै दुबैको मिलन विन्दु छ र त्यसैले अस्तित्व रक्षा गरेको छ । । भनी गीतको भावहरुलाई उनले अथ्र्याएकी छिन् ।
