इलाम । नेकपा एमाले निकट विद्यार्थी संगठन अनेरास्ववियुको १नम्बर प्रदेश कमिटीको संयोजकमा इलामका विद्यार्थी नेता रबिन्द्र सुबेदी चयन भएका छन् ।
केन्द्रीय सचिबालयको पूर्ण बैठकबाट अनेरास्ववियूको नेतृत्व परिवर्तन सहित जिम्मेवारी हेरफेर गरिएको हो ।अनेरास्ववियु इलामका पूर्व जिल्ला अध्यक्ष समेत रहेका केन्द्रीय सचिबालय सदस्य सुबेदीलाइ बैठकले स्थायी कमिटी सदस्य तथा प्रदेश संयोजकको जिम्मेवारी दिएको हो ।
सुबेदी जिल्ला अध्यक्ष हुँदा अनेरास्ववियु इलाम जिल्ला कमिटी देशकै उत्कृष्ट जिल्ला कमिटी घोषणा समेत भएको थियो । सन्दकपुरमा भारतले मिचेको भू-भाग फिर्ता गर्न सीमामै पुगेर प्रदर्शन गर्ने, नेपाली भू-भाग मिचिएको बिषयमा भारतका प्रधानमन्त्री नरेन्द्र मोदिलाई पत्र पठाउने, जिल्लाका ७५ वटै माबि स्कुलका बिधार्थी सहभागी गराएर रत्नकुमार बान्तबा स्मृति फुटबल प्रतियाेगिता गराउने, २०७२ काे भूकम्पमा देशब्यापी बिद्यालय निर्माण तथा सहयोगको अभियान चलाउने लगायतका काम सुबेदीको नेतृत्वमा भएका थियाे । सुवेदीले २०५९ देखि बिधार्थी राजनितीमा शुरु गरेका हुन्।
