मेची नदीले बगाएर एक महिलाको मृत्यु भएको छ । मेचीनगर नगरपालिका वडा नं ६ भट्टराई चोक बस्ने पाण्डव राजवंशीकी श्रीमती ३५ वर्षीया कमला राजवंशीको शव मेची नदीले बगाएर ल्याएको अबस्थामा फेला परेको हो ।
आइतबार मेचीडाँडा नजिक मेची खोलाले बगाएको भनी इलाका प्रहरी कार्यालय काँकरभिट्टामा जानकारी प्राप्त हुनासाथ प्रहरी टोली खटिएको थियो ।प्रहरी टोलीले खोजी गर्ने क्रममा बिहान ८.४० बजे बगाएको स्थानबाट अन्दाजी डेढ किलोमिटर दक्षिण भारत दार्जीलिङ अनन्तराम जोतस्थित मेची खोलाको किनारममा महिला मृत अवस्थामा फेला परेको र कानूनी प्रकृयाको लागि भारतीय प्रहरीसँंग समन्वय भइरहेको जिल्ला प्रहरी कार्यालयले जनाएको छ ।
