इलाम । प्रदेश प्रहरी प्रमुख अरुणकुमार बिसीले जिल्ला प्रहरी कार्यालय इलाम र इलाका प्रहरी कार्यालयको अनुगमन निरीक्षण गरेका छन् ।
१ नं. प्रदेश प्रहरी कार्यालय बिराटनगरका प्रमुख प्रहरी नायव महानिरीक्षक बिसीले निरीक्षण तथा अनुगमन चाड पर्वहरुलाई मध्यनजर गरी सुरक्षा संवेदनशिलतालाई ध्यानमा राखी बिशेष सुरक्षा कायम गर्न निर्देशन दिएका छन् ।
उनले चाडपर्वमा थप शसक्त एवं प्रभावकारी ढंगले जनशक्ती परिचालन गर्न समेत निर्देशन दिएका छन् । प्रदेश प्रहरी प्रमुख बिसीले जिल्ला सुरक्षा समितिका पदाधिकारीहरुसँग समेत छलफल गरेका थिए ।
