इलाम नगरपालिकाले नगरपालिकाको ८ नम्बर वडा कार्यालय निर्माण गरेको छ । वडा कार्यालय भवनको बुधबार एक कार्यक्रमकाबीच नगरप्रमुख महेश बस्नेत र उपप्रमुख शुसिला नेम्वाङले संयुक्त रुपमा उद्घाटन गरे । ५७ लाख ४८ हजार ६ सय ३० रुपैयाँको लागतमा दुई तले वडा भवन निर्माण गरिएको हो । भवनको जमिन तलामा एउटा बैठक कक्ष र सौचालय निर्माण गरिएको छ । 
त्यस्तै पहिलो तलामा दुईवटा अफिस कोठा, एउटा सोधपुछ कक्ष, एउटा सौचालय र सौचालय समेत रहेको वडाअध्यक्षको कार्यकक्ष निर्माण गरिएको इलाम नगरपालिकाका इञ्जिनियर दिपक गुरागाईंले जानकारी दिए । इलाम नगरपालिकाले निर्माण गरेको संरचनाको धमाधम उद्घाटन गरिरहेको छ ।
