राजेशपायलको स्वरमा इलामे सर्जक खापुङको गीत बजारमा

इलामे कलाकार सन्तोष खापुङद्वारा रचित ‘आज देखे तिमीलाई एउटा कारमा’मा नामक गीत बजारमा आएको छ ।

     खापुङकै संगीत रहेको सो गीत ओएसआर मोभिजद्वारा केही दिनअघि मात्रै सार्वजनिक गरिएको हो । यस गीतको भिडियोमा इलामेली कलाकार निर्मल दियाली,सामना खनाल र आर्यमोन दियालीको अभिनय देख्न सकिन्छ ।

      उक्त गीत रेकर्ड पछि फेसबुक लाइभ गर्ने क्रममा आफूले गाएको गीतमध्ये यो गीतमा पृथक रहेको कुरा राजेश पायल राइले बताएका छन् । सम्पूर्ण गीतको सुटिङ इलामको बहुचर्चित पर्यटकीयस्थल कन्याम, अन्तुलगायतका स्थानहरूमा छायाँकन भएको छ ।