इलाम : नेकपा एमाले १० औं जिल्ला अधिवेशनको लागो सार्वजनिक भएको छ । आज बसेको अधिवेशन आयोजक सचिवालय वैठकले रातो हाब्रे (रेड पाण्डा), चियाबारी भएको लागो सार्वजनिक गरेको हो ।
लोगोमा रेडपाण्डाले पार्टीको झण्डा समातेर उभिएको छ भने हरियो चियाबारी रहेको छ । चियाबारीको गराको छेउछाउमा चियाको बुट्यान देख्न सकिन्छ । रेडपाण्डाको र चियाबारीको प्रख्यात जिल्ला भएकाले सो लोगो डिजाइन गरिएको कार्यालय सचिव रबिन्द्र सुवेदीले जानकारी दिए । अधिवेशनका लागि मस्कट, व्यानर र नाराको निर्णय आउँदो १९ गतेको सचिवालयले गर्ने बताइएको छ । पार्टीको जिल्ला अधिवेशन आउँदो २३ र २४ लाई तोकिएको छ ।
