अफ्रिकी राष्ट्र मौरिससविरुद्धको दोस्रो अन्तर्राष्ट्रिय मैत्रीपुर्ण खेलको लागि नेपालको सुरुवाती ११ सार्वजनिक भएको छ । त्रिपुरेश्वरस्थित दशरथ रंगशालामा हुने खेलमा मौरिससविरुद्ध गोलरक्षक तथा कप्तान किरण चेम्जोङको कप्तानी उत्रदा अग्रपङ्तिमा अन्जन विष्ट,आशिष लामा र दर्शन गुरुङ रहेका छन् । अघिल्लो खेलमा गोल गरेका विमल घर्तीमगर बेञ्चमा रहेका छन् । मिडफिल्डमा एरिक विष्ट, पुजन उपरकोटी र तेज तामाङ रहेका छन् ।
चोटका कारण टोलीमा मुख्य डिफेन्डर अनन्त तामाङ नरहँदा नेपालको डिफेन्स दिनेश राजवंशी, देवेन्द्र तामाङ र सुजल श्रेष्ठले सम्हाल्नेछन् । अघिल्लो खेलमा नेपालको डिफेन्स सम्हालेका गौतम श्रेष्ठ र सुमन अर्याल बेञ्चमा रहँदा डिफेन्डर नविन गुरुङले पहिलो रोजाईमा पर्दै सिनियर टोलीबाट डेब्यु गर्ने भएका छन् । नेपालले विमल घर्तीमगरको गोलमा पहिलो खेलमा मौरिससलाई १–० ले पराजित गरेको थियो ।
मौरिससविरुद्ध पहिलो खेलमा टोलीमा रहेका विमल घर्तीमगरसँगै ६ खेलाडी परिवर्तन भएका छन् । अघिल्लो खेलमा रहेकामा कप्तान किरण चेम्जोङ, तेज तामाङ, दिनेश राजवंशी र देवेन्द्र तामाङ रहेका छन् । बिमल घर्तीमगर, सुनिल बल, सुमन लामा, सुरज ज्यू ठकुरी, सुमन अर्याल, गौतम श्रेष्ठ अघिल्लो खेलमा पहिलो रोजाईमा रहेका थिए । अघिल्लो खेलमा रहेका सुनिल बल दोस्रो खेलमा टोलीमै रहेका छैनन् ।
