जुत्ता कारखानामा भएको भीषण आगलागी नियन्त्रणमा

इलाम । झापाको मेचीनगर नगरपालिका–६, बर्मेली टोलीको एक जुत्ता कारखानामा भएको भीषण आगलागी नियन्त्रणमा आएको छ ।

बिहीबार बिहान साढे ११ बजेदेखि लागेको आगो साँझ ५ बजेतिर नियन्त्रणमा आएको इलाका प्रहरी कार्यालय, काँकडभिट्टाले जनाएकाे छ  ।

प्रहरीका अनुसार आगलागी भएको स्थानमा १३ वटा दमकल पुगेका थिए । तीमध्ये ३ वटा भारतबाट बोलाइएका थिए ।

मेचीनगर नगरपालिकाको दमकल विग्रिएका कारण समयमा आगो निभाउने प्रयास हुन सकेको थिएन । त्यसपछि भद्रपुर र विर्तामोडबाट दमकल बोलाइएको थियो ।