केही दिनअघि मात्रै माओवादीबाट एमाले प्रवेश गरेका सन्दकपुर गाउँपालिकाका वडा नं. १ का वडाध्यक्ष नन्दकुमार राई एमालेको जिल्ला कमिटीमा मनोनित भएका छन् । लामो समय माओवादी केन्द्रमा रहेर राजनीति गरेका राईलाई एमालेको आज बसेको दोस्रो पूर्ण बैठकले जिल्ला कमिटीमा मनोनित गरेको हो ।
उनलाई पार्टीका केन्द्रीय सदस्य राम राना, जिल्ला कमिटी अध्यक्ष महेश बस्नेतलगायतले पार्टी प्रवेश गरेका थिए । राईसहित आजको बैठकले ११ जनालाई जिल्ला कमिटीमा मनोनित गरेको छ । नरेश तामाङ, दीपक गौतम, राज कुमार खाती, सुरेस अधिकारी, भक्त श्रेष्ठ ,दीपेन्द्र बस्नेत, रहर राई, उतर मान चबेगू, सुदर्शनपौड्याल र कमला तामाङ्ग रहेका छन् ।
