अमेरिकी सहयाेग मिलिनियम च्यालेन्ज कर्पाेरेसन( एमसिसी )सम्झौताविरुद्ध आन्दोलित बनेको नेत्रविक्रम चन्द ( विप्लव ) नेतृत्वकाे नेपाल कम्युनिस्ट पार्टीले आज इलाम चाेकबजारमा प्रदर्शन गरेको छ ।
एससीसी राष्ट्रघाती भएकाले पारित गर्न नमिल्ने भन्दै नेकपाले प्रदर्शन गरेकाे हाे । प्रदर्शनपछि र्यालीमा बाेल्दै नेकपा इलामका सेक्रेटरी जितमान राई मौसमलेआक्रमक अभिव्यक्ति दिएका छन् । उनले एमसिसी सम्झौता पास गरिए पास गर्ने नेताहरुलाई छानी छानी गाेली हान्ने र त्यसको नेतृत्व आफ्नो पार्टिले गर्ने बताएका छन् । आक्रमक रुपमा प्रस्तुत भएका उनले यो देशलाइ अमेरिकनहरुको स्वार्थ अनुकूल प्रयोग हुन नदिने बताए । नेपाली दलालहरुले यदि यस प्रकारको राष्ट्रघात गर्ने हो भने बम गोला बोकेर प्रतिरोधमा उत्रने माैसमले बताए । एमसिसी सम्झौता बिरुद्ध इलाममा नेपाल कम्युनिस्ट पार्टी निरन्तर संघर्षमा छ । सबै जनतालाइ आन्दोलनमा सहभागी हुन समेत मौसमले अपिल गरेका छन् ।
