हाल बेलायत बस्दै आएकी इलामे चेली अञ्जना गुरुङले विश्वभरका २६ वटा भाषामा तैयार गरिएको गीतमा नेपाली भाषाामा स्वर दिएकी छिन् । विश्वकाे वातावरणसँग सम्बन्धित साे गीतकाे नेपाली भाषामा अञ्जनाले स्वर दिएकी हुन् । गीतमा विश्वकाे वदिलिदाे वातावरणीय समस्या र असरका बारेमा चर्चा गरिएकाे छ । ”Mothership earth song” नाम दिएको साे गीतलाई २६ वटा देशले आफ्नो देशको भाषा अनुसार विश्वभर एकैपटक बजाएका थिए। यो गीतलाई विश्वभर नै एकैदिन एकै समयमा विश्व रेडियो दिवसको अवसर पारेर आइतबार बजाइएकोे हाे ।
विश्वभर नै रेडियो दिवसको अवसर पारेर एकैपटक बजाउने कार्यक्रम अन्तर्गत नेपालमा पनि यो गीत बजाइएको छ, उनले भनिन्, ‘यति धेरै भाषामा तैयार पारिएको गीत आफुले गाउन पाउँदा मलाई निकै खुसी लागेको छ ।” यस गीतले विश्वभरका समुदायलाई वातावरण संरक्षण सम्बन्धमा सचेतना प्रदान गर्ने उनको भनाइ छ ।
वातावरण स्वच्छ भएमात्रै मानिसहरु निरोगी रहन्छन् भन्ने गीतको मुख्य सन्देश रहेको उनले बताईन् । हाल २६ वटा देशले आफ्नो आफ्नो भाषामा उक्त गीत रेकर्ड गराएको र अझै पनि अन्य देशहरुका भाषामा पनि रेकर्ड हुने क्रम जारी रहेको गुरुङले जानकारी दिईन् । बेलायतमै रेकर्ड गरिएको उक्त गीतको नेपाली अनुवाद लक्ष्मी राई (लारा) ले गरेकी हुन् ।
उक्त गीतलाई नेपालमा देशभर रहेका रेडियो स्टेशनबाट प्रशारण भएको थियो । त्यस्तै सोही गीत बेलायतमा रहेको बिएफबिएस रेडियोबाट बिहान प्रशारण भएको छ ।
अहिलेको जलवायु परिर्वतले विश्वमै समस्या उत्पन्न भैरहेकोर दीर्घकालीन असर गर्ने सन्देश दिइएकाे छ । अञ्जना बेलायतमा विभिन्न संस्थामार्फत समाजसेवा गर्दै आएकी छिन् ।
