मिलिनियम च्यालेन्ज कर्पोरेसन (एमसीसी)को खारेजीको माग गर्दै नेकपा माओवादी केन्द्रनिकट अखिल क्रान्तिकारी र योङ कम्युनिष्ट लिग (वाइसियल)ले पुल्ठे जुलुससहितको ¥याली निकालेको छ ।
अहिले साँझ इलामको ठूलो टुँडिखेलबाट इलाम चोक बजारसम्म ¥याली निकालेको हो । पुल्ठोसहित ¥यालीमा संलग्नको प्रहरीले पुल्ठो निभाइदिएका थिए । तरपनि आन्दोलित युवाले सुरक्षाकर्मीको घेराबाट जोगाएर इलाम चोकबजारसम्म पुल्ठोसहित प्रदर्शन गरे ।
‘एमसीसी खारेज गर’, ‘एमसीसी देशको हितमा छैन’, ‘अखिल क्रान्तिकारी जिन्दवाद’ लगायतका नारा लगाएर ¥याली निकालिएको थियो । ¥याली चोकबजारमा आएर सभामा परिणत भयो । सभामा परिणत ¥यालीमा एमसीसी देशको हितमा नभएकाले तत्काल खारेज गर्नुपर्ने विषय जोड दिइएको थियो ।
